Православие.Ru Поместные Церкви Православный Календарь English Српска\n\nПравославный Церковный календарь 2026\n\nКалендарь\nМесяцеслов\n\nСегодня\n\nЗавтра\n\nПосты и праздники (н.с.)\n\nПосты и праздники (с.с.)\n\nБиблия\n\nМолитвы\n\nИконы\nПо именам святых\n\nОбщий список\n\nПраздники и посты\nв 2026 году.\nНовый стиль\nСтарый стиль\n\nСвятитель Афанасий Сидящий, Константинопольский, Лубенский, патриарх\n\nДни памяти: 18 января (Афон) , 2 мая\n\nИконы\n\nЖития\n\nСвятитель Афанасий III Пателарий, Патриарх Цареградский\n\nСвятитель Афанасий Сидящий, Константинопольский, Лубенский, патриарх\n\nМолитвы\n\nТропарь святителя Афанасия, патриарха Константинопольского, Лубенского чудотворца\n\nглас 8\n\nПремудростию учений твоих царствующий град просветив,/ тьму неведения еретического разгнал еси, преблаженне;/ твое благословение земли Российстей принесл еси,/ отче наш, святителю Афанасие,/ идеже скончав течение твое,/ на крилех чистоты возлетел еси в Небесное Царство./ Моли Христа Бога непрестанно о душах наших.\n\nКондак святителя Афанасия, патриарха Константинопольского, Лубенского чудотворца\n\nглас 8\n\nО всесвятейший пастырю и учителю вселенныя,/ преблаженне отче наш святителю Афанасие!/ К раце мощей твоих припадающе, усердно молим тя:/ приими от убогих душ наших любовию приносимая тебе моления/ и, яко имея дерзновение у Престола Владычня,/ испроси молитвами твоими чтущим тя/ со Ангелы и всеми святыми/ непрестанно Пресвятей Троице воспевати: аллилуйя.\n\nМолитва святителю Афанасию, патриарху Цареградскому\n\nО святителю Христов, угодниче Божий Афанасие! Велением Божиим жребий служения святительскаго восприим и крест Христов на рамена своя возложив, был еси пастырь добрый, светильник веесветлый, столп непоколебимый, Церкве служитель верный, иерархов начальник, Православия защитник, нечестия искоренитель, сего ради и водворился еси в дому Господа твоего. Тебе убо просим: молися о нас, с верою и любовию притекающих к честным и многоцелебным мощем твоим, не отрини просящих у тебе помощи в скорбех и болезнех. Молитвою твоею предстани ко Всевышнему Владыце, исходатайствуй яже на пользу душ и телес наших и отверзи нам двери милосердия Божия. Ходатайством твоим сохрани Церковь Святую тверду и непоколебиму от навет вражиих. Моли Господа и Владыку, да тихое и безмолвное житие поживем во всяком благочестии и чистоте. Соблюди храм сей, в немже вселился еси, от всяких бед и напастей и от всех враг видимых и невидимых, и, якоже в жизни критския люди от неправеднаго агарянскаго убиения избавил еси, тако и ныне на Небесех непрестанно молися ко Господу избавитися нам от всякаго злаго обстояния. Подаждь руку помощи и всем православным христианом, притекающим к честным и нетленным мощем твоим и в молитвах своих тя призывающим. Ускори на молитву и потщися на помощь, имиже веси судьбами, да вси, безприкладное Божие милосердие видяще и чаемую помощь прлучивше, славят подавшаго тебе силу и славу Отца и Сына и Святаго Духа, во Единем Существе славимаго Бога, ныне, и присно, и во веки веков. Аминь.\n\nИна молитва святителю Афанасию, патриарху Цареградскому\n\nО великий и дивный святителю Христов Афанасие Богомудре, светильниче Церкве вселенския, Лубенский и всея России чудотворче и покровителю! Ты, от юности вся житейская оставль, к Богу любовию и духовным благоразумием наставляемь, увещавал еси вся человеки, глаголя: что нам богатство, что нам злато, слава и могутство? - дымове, расходящийся по воздуху: вся та исчезнут, вся та понесет ветр! Многорачительно же в будущем веце да будет нам богатство. Тако поучая, сам щедр, благосерд, кроток, смирен и всем благоприступен был еси. Темже и во успении твоем Всеблагий Господь тмочисленными чудесы озари и прослави нетленныя мощи твоя. Имея убо ко Господу дерзновение, заступи и спаси твоим ходатайством всю хранимую тобою землю Российскую и град сей, в немже святыми мощами твоими почивати благоизволил еси. Моли Христа Бога, да отпустятся всем нам согрешения наша вольная и невольная, да избавимся от всех враг видимых и невидимых, от всяких бед и скорбей и всяких недугов. Моли, да милостив будет всем нам Господь, и зде, и в будущем веце, и преставлыпияся от нас отцы и братию, матери и сестры и чада наша, в лики святых вчинив, в месте светле\n\nупокоит, да, предстояще и покланяющеся рацее мощей твоих, имамы тя неусыпающаго молитвенника и предстателя о нас ко Господу и благодарив с любовию величаем прославлыпаго и послушающаго тя, в Троице славимаго Бога, Отца и Сына и Святаго Духа, ныне, и присно, и во веки веков.\n\n© ПРАВОСЛАВИЕ.RU