Православие.Ru Поместные Церкви Православный Календарь English Српска\n\nПравославный Церковный календарь 2026\n\nКалендарь\nМесяцеслов\n\nСегодня\n\nЗавтра\n\nПосты и праздники (н.с.)\n\nПосты и праздники (с.с.)\n\nБиблия\n\nМолитвы\n\nИконы\nПо именам святых\n\nОбщий список\n\nПраздники и посты\nв 2026 году.\nНовый стиль\nСтарый стиль\n\nПреподобный Иов, игумен Почаевский\n\nДни памяти: 6 мая , 28 августа (Обретение мощей) , 28 октября\n\nИконы\n\nЖития\n\nПреподобный Иов Почаевский\n\nПреподобный Иов, игумен Почаевский\n\nПреподобный Иов Почаевский\n\nМолитвы\n\n6 мая\n\nТропарь преподобного Иова игумена Почаевского\n\nглас 4\n\nМногострадальнаго праотца долготерпение стяжав,/ Крестителеву воздержанию уподобляяся,/ Божественныя же ревности обою приобщаяся,/ тех имена достойно прияти сподобился еси/ и истинныя веры был еси проповедник безбоязнен;/ темже монахов множества ко Христу привел еси,/ и вся люди в Православии утвердил еси,/ Иове преподобне отче наш,/ моли спастися душам нашим.\n\nКондак преподобного Иова игумена Почаевского\n\nглас 4\n\nЯвился еси Истинныя веры столп,/ Евангельских же заповедей ревнитель,/ гордыни обличение, смиренным же предстатель и научение:/ темже и ублажающим тя грехов отпущение испроси/ и обитель твою невредиму сохрани,/ Иове отче наш,/ Многострадальному подобный.\n\n28 августа\n\nТропарь на обретение мощей преподобного Иова Почаевского\n\nглас 4\n\nВозложь на ся иго Христово от юности,/ преподобне отче Иове,/ многолетне свято подвизался еси/ на поприще благочестия во обители Угорницстей и на острове Дубенстем,/ и, пришед к горе Почаевстей,/ знаменанней цельбоносною стопою Пресвятыя Богородицы,/ в тесней пещере каменней/ богомыслия ради и молитвы многократно заключался еси,/ и, благодатию Божиею укреплялся,/ мужественно потрудился еси/ на пользу Церкве Христовы и обители твоей,/ купно же и противу врагов Православия и благочестия христианскаго,/ и, наставив сицевому ополчению иночествующих,/ победители тех представил еси Владыце и Богу./ Того моли спастися душам нашим.\n\nКондак на обретение мощей преподобного Иова Почаевского\n\nглас 8\n\nВозсия от спуда земнаго сокровище нетленное мощей твоих,/ угодниче Божий,/ яко, благочестно пожив в вере Христа Бога нашего,/ достигл еси добродетелей совершенства,/ и, оставль сладость жития преходящаго,/ в пещере горы Почаевския в пощениих, молитвах и трудех свято подвизался еси,/ и теми тело твое увядил еси./ Ныне же, прешед к Богу в безмятежный и вечный покой,/ молишися о всех с верою к тебе прибегающих./ Радуйся, Иове, преславный угодниче Божий/ и обители Почаевския украшение.\n\nМолитва преподобному Иову Почаевскому\n\nО всесвятый и преславный угодниче Божий, преподобне отче наш Иове, присный о нас ко Господу молитвенниче и теплый предстателю о душах наших, к тебе всеумиленно ныне притекаем и, поминающе подвиги и чудеса твоя, яже сотворил еси и твориши на земли, просим и молим твою благостыню: якоже твердо и неизменно потрудился еси в вере Христа Бога нашего, и, сию до конца в себе и во всех присных твоих целу и невредиму сохранивый от всяких приражений вражиих и ересей тлетворных, сице и нас в Православии и единомыслии укрепи, отгоняя молитвами твоими всякую тьму неверия и неправо­мыслия от сердец и помышлений наших; послуживый Господу и Богу твоему делы благими и неизреченным самоотвержением в трудех, бдениих и пощениих, настави нас на путь всякия добродетели и благостыни, избавляя от искушений и грехов, удаляющих нас от Бога и повергающих в бездну зла все житие наше; явивыйся иногда\nс Пречистою Девою Богородицею верху горы Почаевския во спасение обители твоея от нашествия и обложения агарянскаго, и ныне ускори на помощь стране нашей противу всех врагов наших, внешних и внутренних, утверждая мир и тишину в земли нашей, да безмолвное житие поживем во всяком благочестии и чистоте; и всем к тебе притекающим и припадающим к раце честных и многоцелебных мощей твоих и твоея помощи и заступления требующим неоскудныя милости независтно подаваяй, не остави и нас, сирых и безпомощных, тебе молящихся, избавляя от всякия скорби, гнева и нужды, от глада, губи­тельства, труса, потопа, огня, меча, нашествия иноплеменник и междоусобныя брани. Ей, угодниче Божий, призри милостивно от Престола Царя славы, Емуже ты ныне предстоиши со Архангелы и Ангелы и со всеми святыми, на обитель твою Почаевскую, еюже ты древле мудро правил еси, наздав ю всехвальным и дивным житием твоим, и сохрани ю молитвами твоими и всякий град, и страну и всех отовсюду, на море и на суши, в пустынях и в заключениих многораз­личных тебе призывающих, от всех зол, видимых и невидимых, да, тако твоею помощию и ходатайством спасаеми, в веце сем и по скон­чании живота нашего сподобимся купно с тобою славити и воспевати всечестное имя Отца, и Сына, и Святаго Духа во веки веков. Аминь.\n\nИна молитва, чтомая в Почаевстей лавре пред мощами преподобного Иова\n\nО всеблаженне и богоносне отче наш Иове, иноческаго ангелопо­добнаго жития богомудрый наставниче, веры православныя восточно­кафолическия против лжемудрований Запада непреоборимый защитниче и поборниче, богопреданных уставов Церкве и преданий отеческих верный блюстителю и строгий взыскателю, святости и чистоты, целомудрия и нестяжания, трудолюбия и богомыслия, поста и бдения великий ревнителю, долготерпения и злострадания неутомимый и непобедимый ратоборче, образе кротости, зерцало смирения, примере незлобия, постников удобрение, девственников похвало, монахов и схимонахов радосте! По имени твоему, преподобне отче, яко же и древняго инаго Иова, многострадальна и праведна, и житие твое бысть праведно и непорочно от младенческих пелен, всеми делы благими, яко многоценным бисером, благоукрашенно и благодушным терпением чрез многа лета скорбей и болезней, паче злата и сребра, в горниле искушенных, просиявше. Еще бо сый дванадесяти точию лет, восприял еси на ся иго Христово с великим образом монашеским, и даже до старости и престарения вящше девятидесяти лет благодушно и неослабно, непоползновенно и неблазненно понесл еси, прошед всяк путь правды и святыни в посте и молитве, в коленопреклонениих и бдениих, и тако на высоту добродетелей изрядну, вспомоществуемь благодатию Божиею, по степенем возшел еси, яко всем дивитися и ублажати тя за премно­го добродетель, и любомудрие твое, не точию в пределех отечествия твоего, но и в странах, окрест сущих; о чесом слышав боголюбивый князь острожский и вельми возжелав имети тя руководителя на пути спасения и Крестовоздви­­жен­стей обители своей, яже на острове Дубенстем, предстоятеля и наставника, молением любве своея привлече тя, отонудуже и святей обители Почаевстей, яко сокровище велие и неоцененное, даровался еси. Темже и Праведный Судия и Мздовоздатель Бог, Иже весть сущия Своя прежде даже не быти им, обещавый верным рабом Своим за труды и подвиги их во славу Его имени воздати сторицею, свыше призре на смирение твое, и вознесе тя, и прослави тя на земли живых, даровав духоносному телеси твоему дар нетления и благодать врачевания недугов душевных и телесных для всех с верою и любовию ко всечестней раце твоей притекающих, а молитве твоей силу и крепость непобедимую, врагов видимых и невидимых устрашающую и поражающую. Егда бо иноплеменницы оны исмаелитстии, ихже Господь Бог еще в праотце их от рода и дому Авраамля отринул, врази Креста Христова, облегоша гору и обитель Почаевскую, хотяще ю до конца разорити, тогда ты, отче прехвальне, был еси ходатай святыми твоими молитвами ко Всемогущему и Всеблагому Богу и к Преблагословенней Деве Марии Богородице, и благостию, тебе от Бога данною, и предстательством Пресвятыя Богородицы отгнал еси все безумие супостатов тех, и всю ярость их разрушив и крепость победив, сотворил еси их бежати со страхом и трепетом. Призри убо и ныне оком благоутробия твоего, прилежно молим тя, обстояще святыя и многоцелебныя мощи твоя и усердно лобызающе я, призри на нас, недостойных чад и рабов твоих, вступивших в стези твоя, но не могущих право по ним шествовати, и на место сие, от лет древних богоизбранное и чудесы прославленное, в немже имя твое призывается и егоже ты поты трудов твоих богоугодных оросил и возделал еси, и огради его и нас молитвами твоими от всякаго навета вражия и злаго обстояния, сохраняя и соблюдая всех и каждого в мире и тишине, в вере нелицемерней и богоугодном жительстве. Подаждь же, угодниче Божий, и всем приходящим семо и твоея помощи и заступления ищущим благость и милость от Христа Бога нашего и Пречистыя Его Матере, да никтоже изыдет отсюду в туге и скорби, в печали и сетовании, постыжден и посрамлен в надеянии своем, но кийждо по мере веры и любве своея да восприимет себе поне некую отраду и утешение, облегчение и подкрепление, защиту и помощь, во славу Бога Трисвятаго, Емуже подобает всякая слава, честь и поклонение, Отцу, и Сыну, и Святому Духу, ныне и присно и во веки веков. Аминь.\n\n28 октября\n\nТропарь преподобного Иова игумена Почаевского\n\nглас 4\n\nМногострадальнаго праотца долготерпение стяжав,/ Крестителеву воздержанию уподобляяся,/ Божественныя же ревности обою приобщаяся,/ тех имена достойно прияти сподобился еси/ и истинныя веры был еси проповедник безбоязнен;/ темже монахов множества ко Христу привел еси,/ и вся люди в Православии утвердил еси,/ Иове преподобне отче наш,/ моли спастися душам нашим.\n\nКондак преподобного Иова игумена Почаевского\n\nглас 4\n\nЯвился еси Истинныя веры столп,/ Евангельских же заповедей ревнитель,/ гордыни обличение, смиренным же предстатель и научение:/ темже и ублажающим тя грехов отпущение испроси/ и обитель твою невредиму сохрани,/ Иове отче наш,/ Многострадальному подобный.\n\nСлужба\n\n28 октября: Преподобного Иова, игумена Почаевского\n\nСайты приходов:\n\nХрам прп. Иова игумена Почаевского г. Буэнос-Айрес (Аргентинская и Южноамериканская епархия)\n\nТроицкий Корецкий ставропигиальный (патриарший) женский монастырь г. Корец (Ставропигиальные монастыри РПЦ)\n\nУспенский Куливецкий мужской монастырь с. Куливцы (Черновицкая епархия)\n\nБогоявленский Кременецкий женский монастырь г. Кременец (Тернопольская епархия)\n\nХрам прп. Иова Почаевского г. Мурсия (Корсунская епархия)\n\nХрам Преподобного Иова Почаевского г. Константиновка (Горловская епархия)\n\nПантелеймоновский мужской монастырь г. Хуст (Хустская епархия)\n\nРождества Богородицы женский монастырь с. Липча (Хустская епархия)\n\nТроицкий Велико-Будищанский женский монастырь с. Писаревщина (Полтавская епархия)\n\nСвято-Иверский женский монастырь с. Голуби (Ровенская епархия)\n\nУспенский мужской монастырь с. Липки (Ровенская епархия)\n\nМонастырь св. Иова Почаевского г. Мюнхен (Берлинская и Германская епархия (РПЦЗ))\n\nСтатьи на Православие.Ru\n\nБожественная литургия в Сретенском монастыре в Неделю 14-ю по Пятидесятнице\n\n28 августа / 10 сентября 2017 г. Неделя 14-я по Пятидесятнице. Сретенский монастырь. Божественная литургия. Хор Сретенского монастыря. (MP3 файл. Продолжительность 1:18:42 мин. Размер 75.6 Mb)\n\nВсенощное бдение в Сретенском монастыре накануне Недели 14-й по Пятидесятнице\n\n27 августа / 9 сентября 2017 г. Суббота 14-й седмицы по Пятидесятнице. Сретенский монастырь. Великая вечерня, утреня. Хор Сретенской духовной семинарии. (MP3 файл. Продолжительность 2:27:21 мин. Размер 141.5 Mb)\n\nЖелезное стояние преподобного Иова Почаевского\n\nСтанислав Минаков\nНесокрушимо стоял в вере преподобный Иов Почаевский, и, оправдывая свою фамилию, с железной твердостью боролся с униатами, отошедшими от Православия под покровительство Римского папы.\n\nПочаев – удел Богородицы\n\nСергей Герук\nЯ не раз бывал в Почаевской лавре. Впервые – еще в советское время. Я, тогда молодой и еще далекий от Церкви журналист, увидел воочию «Святую Русь»: литургия окончилась, и народ, среди которого во множестве были «сирые и убогие», на самодельных инвалидных возках и колясках, устремлялся к сияющему в утреннем луче золотому кресту в руках иеромонаха. Помню и автобусы националистического Руха, перегораживающие вход в Почаевскую лавру в начале 1990-х.\n\n«Память праведнаго с похвалами»: Преподобный Иов, игумен и чудотворец Почаевский\n\nДмитрий Рыбаков\nПрослеживается некое сходство двух великих строителей — Феодосия Печерского и Иова Почаевского: оба они активно участвовали в общественной жизни своего времени, если этого требовал их пастырский долг и игуменское послушание. Причем преп. Иов самолично являлся на все судебные прения по вопросу земельных притязаний, не гнушаясь судебной волокиты. Однако вне юридической сферы преподобный являл свою крайнюю снисходительность к человеческим немощам. © ПРАВОСЛАВИЕ.RU