Православие.Ru Поместные Церкви Православный Календарь English Српска\n\nПравославный Церковный календарь 2026\n\nКалендарь\nМесяцеслов\n\nСегодня\n\nЗавтра\n\nПосты и праздники (н.с.)\n\nПосты и праздники (с.с.)\n\nБиблия\n\nМолитвы\n\nИконы\nПо именам святых\n\nОбщий список\n\nПраздники и посты\nв 2026 году.\nНовый стиль\nСтарый стиль\n\nБлаженный Василий, Московский чудотворец\n\nДень памяти: 2 августа\n\nИконы\n\n2000 x 2278\n\nЖития\n\nСвятой Блаженный Василий, Московский чудотворец\n\nБлаженный Василий, Московский чудотворец\n\nМолитвы\n\nТропарь блаженного Василия, Христа ради юродивого\n\nглас 8\n\nЖитие твое, Василие, неложное, и чистота нескверна,/ Христа ради тело твое изнурил еси постом и бдением,/ и мразом и теплотою солнечною,/ и слотою и дождевным облаком,/ и просветися лице твое, яко солнце,/ и ныне приходят к тебе Российстии народи и вси людие,/ прославляюще святое твое успение./ Тем Христа Бога моли,/ да избавит ны от варварскаго пленения и междоусобныя брани/ и мир мирови подаст и душам нашим велию милость.\n\nИна служба блаженного Василия. Тропарь\n\nглас 1\n\nПлоть удручившу ти злостраданием,/ душу же просветившу чистотою сердца,/ обогатился еси благодатию Пресвятаго Духа, Василие,/ даровати требующим полезная./ Сего ради недужнии, притекающе к цельбоподательному твоему гробу, премудроюроде,/ независтно приемлют болезней отложение/ и благодарственно воспевают прославльшаго тя,/ Единаго Человеколюбца.\n\nИн тропарь блаженного Василия, Христа ради юродивого\n\nглас 8\n\nЯкоже бо солнце и луна наготою своею не срамляются,/ тако и ты, угодниче Христов Василие, наг сый, не срамляшеся,/ восприят бо ризу Адама первозданнаго,/ юже он ношаше прежде в рай,/ ты же сию на земли поносил еси;/ и был еси добрый купец:/ елико имеяше, вся остави/ и купи мздою терпения своего село,/ на немже сокровен безценный Бисер, Христос./ Сего ради явися всем грешным образ покаяния/ и вселися в райскую широту,/ и, предстоя Христови,/ не забуди град, в немже обита, и люди, преблаженне,/ и моли спасти души наша.\n\nКондак блаженного Василия, Христа ради юродивого\n\nглас 4\n\nДухом Божиим водим, преблаженне Василие,/ оттрясл еси мирский мятеж,/ и жития треволнения возгнушался еси,/ и, совлекся одеяний тленных и облекся в ризу безстрастия,/ убежал еси ловления льстиваго миродержца,/ и был еси странен во твоем языце,/ и, паче земнаго богатства избрав богатство Небесное,/ увязлся еси венцем терпения./ И ныне, преблаженне Василие, моли Христа Бога/ о творящих святую память твою, да зовем ти:/ радуйся, преблаженне Василие.\n\nИна служба блаженного Василия. Кондак\n\nглас 4\n\nЯвил тя есть Господь нынешнему роду/ исцелителя болезнем и прогонителя недугом/ любовию, Василие, притекающим к тебе/ и призывающим верою молитвы твоя.\n\nМолитва блаженному Василию\n\nО великий угодниче Христов, истинный друже и верный рабе Всетворца Господа Бога, преблаженне Василие! Услыши ны, много­грешныя, ныне воспевающия к тебе и призывающия имя твое святое, помилуй ны, припадающия днесь к пречистому образу твоему, приими малое наше и недостойное сие моление, умилосердися над убожеством нашим, и молитвами твоими исцели всяк недуг и болезнь души и тела нашего грешнаго, и сподоби ны течение жизни сея невредимо от видимых и невиди­мых врагов безгрешно прейти, и христианскую кончину, непостыдну, мирну, безмятежну, и Небеснаго Царствия наследие получити со всеми святыми во веки веков. Аминь.\n\nМолитва ко Господу\n\nО Владыко Христе, Сыне Божий, Источниче жизни и просвещению, Долготерпеливый и Многомилостивый, подаждь нам славити пресвятое и преславное Твое имя бодренно во исповедании сердечном во вся дни живота нашего, до последняго часа. Елико хощеши, можеши, велика бо есть слава премногаго Твоего милосердия и непостижима всему рожденному естеству. Како претерпит язык наш, таковыя во радости и веселия исполни нас, телеснаго и духовнаго? Или како воспоем благодать Твою неизреченную, истин­ным желанием усердно величаем и славословим милосердие Твое, яко дарова нам Своего угодника, блаженнаго Василия? Толико духом к Тебе зовем: о Господи, Живый, Неприступный, Страшный, Мило­стивый и Щедрый, Видимый и Невидимый, помилуй нас, всегда Тебе со слезами зовущие, и просве­щай нас, Своего ради угодника, пресветло милостивыми чудесы.\n\nО благий Царю всея твари! Помилуй Божественным твоим пресвет­ломилостивым изволением хотения Своего и похвалу славы благодати Своея приими по премногому милосердию Своему, величествия ради прехвальнаго Твоего имене, и Пречистыя Твоея Матере, Преславныя, Преблагословенныя и Пренепорочныя Приснодевы Марии, и святых славных и всехвальных апостол, и пророк, и мученик, преподобных и праведных ради, и святаго богомудраго юрода Твоего, преблаженнаго Василия, и всех святых ради Своих угодник, возвеличи, Господи, Русь Православную пред латины и басурманы и прочими языки, враги ея и супостаты покори, Господи, вои же ея храбры сотвори и огради я Ангелы святыми Своими, и всем православным христианом\n\nв целомудрии, и в мире, и в благоденствии пребывати соблаговоли, и облаком небесным повели дождя благодарственно земли во благопотребно время, яже бо во препитание людем Твоим и траву скотом, исполни я всякия благодати в род и род во веки веков, яко Ты еси Бог миру и Спаситель душам нашим, Твое бо есть, еже миловати и спасати, Свят еси Ты, Господи Боже наш, и Тебе славу возсылаем, со Отцем и Святым Духом, всегда, ныне и присно и во веки веков. Аминь.\n\nИна молитва блаженному Василию\n\nО великий угодниче Христов, преблаженне Василие! Припадающе к раце мощей твоих, с любовию, с верою лобызаем честный твой образ, чающе от него силою Божиею получити исцеление душ и телес наших, прославляем величество Вседержителя Бога, Егоже ты душею и телом твоим в жизни сей прославил еси, твердость веры и любве твоей ко Господу Саваофу, проповедуем крепость твоего духа и, воспоминающе великие подвиги добродетели твоея, вопием к тебе из глубины сердец наших: не промолчи вопити за ны ко Господу Богу, телом бо твоим пребываеши с нами на земли, духом же почи­ваеши на небеси во объятиих Зиждителя твоего. Предстательством убо твоим у Престола неприступныя славы, испроси, да почиет и на нас Дух Божий, дух премудрости и разума, дух совета и крепости, дух ведения и благочестия и страха Божия, и да не презриши много­грешных наших молений. Се мы, предстояще в храме, посвященном имени твоему святому, восписуем ти похваль­ная сице: радуйся, бого­блаженне Василие, яко ты, возненавидев временная мира, богоугодно подвизался еси и на высоту добродетели востекл еси. Радуйся, яко потщался еси победити страсть со всеми порочными ея склонностьми и дарований Святаго Духа сподобился еси. Радуйся, яко в терпении и страдании храбр явился еси и вся стрелы лукаваго разженныя погасил еси. Радуйся, яко желанием от источник Израилевых всегда почерпая, благодати Божия преисполнен был еси. Радуйся, яко взем ярем спасительнаго словесе Христа Бога нашего, попрал еси всю гордыню мира. Радуйся, яко посреде молв безмолвие сохранил еси, мысль твою быстро устремляя к Горним. Радуйся, яко ты мечем духовным волю хотения твоего отсецал еси и стопы разума твоего утверждал еси на камени любве Христовы. Радуйся, яко совлеклся еси тленных одеяний и облеклся еси в новаго человека, обновленнаго кровию Христовою. Радуйся, яко вместо тленных богатство духовное собрал еси и начатки трудов Христу Богу нашему принесл еси. Радуйся, яко и по смерти Господь яви тя нам источника исцелений. Радуйся, яко славы и богатства не восхотев, вся в ничтоже вменил еси, да Христа приобрящеши, Егоже и стяжал еси многими труды и терпением. Радуйся, яко ныне, соединяяся с Богом, непрестанным Его зрением наслаждаешися и обитаеши во блаженной вечности. Радуйся, яко насыщешися благими, ихже око не виде, и ухо не слыша, и на сердце человеку не взыдоша, яже уготова Бог тако возлюбившему Его, поспешествуй убо молитвами твоими, избранниче Божий, да и мы на земли, совокуплени крепчайшим любве Божия союзом, великодушно понесем благое Евангелия иго и благодатию Святаго Духа да сподобимся вкусити и насыщатися вечно с тобою небесных немерцаемых благ. Аминь.\n\nСлужба\n\n2 августа: Пренесение мощей святого первомученика и архидиакона Стефана. Святого блаженного Василия, Московского чудотворца\n\nСайты приходов:\n\nХрам Рождества Пресвятой Богородицы пос. Колюбакино (Московская епархия (городская))\n\nХрам святителя Николая с. Ермолино (Московская епархия (областная))\n\nХрам Святителя Николая пос. Радищево (Рыбинская епархия)\n\nХрам сщмч. Василия, протоиерея Московского г. Москва (Московская епархия (городская))\n\nХрам Введения во Храм Пресвятой Богородицы г. Любим (Рыбинская епархия)\n\nХрам Николая Чудотворца и Василия Блаженного с. Болотово (Костромская епархия)\n\nХрам Василия Блаженного пос. Тоннельный (Ставропольская и Невинномысская епархия)\n\nХрам Василия Блаженного г. Омск (Омская епархия)\n\nХрам святого Василия Блаженного г. Волгодонск (Волгодонская епархия)\n\nТроицкий храм г. Серпухов (Московская епархия (областная))\n\nХрам Василия Блаженного пос. Чернышевское (Черняховская епархия)\n\nХрам Василия Блаженного г. Калуга (Калужская епархия)\n\nВознесенский кафедральный собор г. Мончегорск (Мурманская епархия)\n\nСтатьи на Православие.Ru\n\nЛица без земной прописки\n\nЛюдмила Кириллова\nЮродивые не давали обществу расслабиться, «будили» его: «Не время спать в житейском комфорте! Скоро за все придётся дать ответ!»\n\nБлаженный Василий, Христа ради юродивый, Московский чудотворец\n\nОднажды блаженный, приглашенный во дворец на царский пир, трижды вылил вино за окно. Когда царь с раздражением спросил его, что он делает, тот ответил, что гасит пожар в Новгороде. Немного погодя гонцы принесли известие о большом пожаре в Новгороде. Пожар, однако, не разгорелся, потому что некий человек странного вида ходил нагим по улицам и кропил горящие дома. Увидев Василия, гонцы узнали в нем человека Божия, погасившего пламя. © ПРАВОСЛАВИЕ.RU