Перейти к основному содержанию\n\nТексты\n\nДокументы\n\nГлавная\n\nО проекте\n\nОбратная связь\n\nТексты\n\nАкафисты\n\nСлужбы\n\nТропари, кондаки\n\nЧины\n\nТропари, кондак и молитва преподобномученице Вере (Морозовой)\n\nТекст утвержден Священным Синодом\nРусской Православной Церкви\n24 марта 2022 года\n(журнал № 23)\n\nРаспечатать с сайта\nСкачать в гражданском начертании с ударениями (docx)\nСкачать в церковнославянском начертании (pdf)\n\nМе́сяца февраля́ в 13-й день\nПреподобному́ченицы Ве́ры (Моро́зовой)\n\nТропа́рь, глас 5:\n\nИ́ ноческий крест му́жественне подъе́мши/ и служе́нием бли́жнему той украси́вши,/ путе́м у́зким и приско́рбным ше́ствовала еси́,/ свята́я Ве́ро благохва́льная,/ па́че же венце́м страда́ния увенча́лася еси́;/ сего́ ра́ди Христу́ приле́жно, му́ченице, моли́ся,/ грехо́в отпуще́ние нам дарова́ти// и душа́м на́шим ве́лию ми́лость.\n\nИн тропа́рь, глас 2:\n\nЕ гда́ прии́деши, Иису́се, Судие́ Пра́ведный,/ испыта́ти ве́ру на земли́,/ тогда́ моли́твы за ны приими́ преподобному́ченицы Ве́ры,/ с любо́вию Тебе́ поже́ршияся/ и безбо́жная гоне́ния со смире́нием претерпе́вшия,/ ны́не же в Черто́зех Небе́сных Тебе́ моля́щияся,/ да отврати́ши от нас Твой пра́ведный гнев,/ благоче́стием на неви́димыя враги́ препоя́шеши// и ча́сти спаса́емых нас сподо́биши.\n\nКонда́к, глас 1:\n\nН ебе́сную сла́ву па́че земны́я предпоче́тши,/ во оби́тель Страстну́ю всели́лася еси́,/ иде́же усе́рдно подвиза́вшися,/ стра́сти обузда́ла еси́ и терпе́ние мно́гое стяжа́ла еси́,/ любо́вию же ко Христу́ уязви́вшися,/ в же́ртву Тому́ себе́ принесла́ еси́./ Его́же моли́, свята́я блаже́нная Ве́ро,/ да с наде́ждой крест свой понесе́м,/ ве́ру непоро́чну сохрани́м// и любо́вь нелицеме́рну приобря́щем во спасе́ние душ на́ших.\n\nМоли́тва\n\nО свята́я преподобному́ченице Ве́ро! Ты изде́тска во святе́м Креще́нии, я́ко зе́рно ма́лое, ве́ру святу́ю восприя́ла еси́ и, во благоче́стии возраста́ющи, сию́ в се́рдце твое́м, я́ко сокро́вище безце́нное, храни́ла еси́. Сего́ ра́ди и во оби́тель Страстну́ю притекла́ еси́, ча́ющи глас Христо́в услы́шати: ве́ра твоя́ спасе́ тя, иди́ в ми́ре. Егда́ же годи́на гоне́ний безбо́жных зе́млю на́шу пости́же, ве́ра твоя́ яви́ся я́ко дре́во многоли́ственное, е́же се́нию свое́ю приста́нище стра́нным и отра́ду стра́ждущим подава́ше. Тем и мучи́телей твои́х стра́ха не убоя́лася еси́ и в сме́рти, я́же за Христа́, жизнь ве́чную обрела́ еси́. О всехва́льная му́ченице Ве́ро! Моли́ Го́спода Бо́га, да изба́вит страну́ на́шу от неве́рия, лю́ди ея́ в Правосла́вии утверди́т и во благоче́стии сохрани́т. Научи́ нас, гре́шных и уны́лых, не страши́тися тьмы ве́ка сего́, но све́том ве́ры Христо́вы сию́ побежда́ти, в час же кончи́ны на́шея сподо́би моли́твами твои́ми спаса́емых часть восприя́ти, да ничто́же отлучи́т нас от любве́ Бо́жия, я́же о Христе́ Иису́се, Ему́же подоба́ет вся́кая сла́ва, честь и поклоне́ние, со Безнача́льным Его́ Отце́м, Пресвяты́м, Благи́м и Животворя́щим Его́ Ду́хом, ны́не и при́сно, и во ве́ки веко́в. А ми́нь.\n\nЦерковный календарь\n\nсегодня\n\n3 ноября\n\n21 октября по старому стилю\n\nМосковская Патриархия\n\nИздательство\nМосковской Патриархии\nРусской Православной\nЦеркви\n\nНовые богослужебные книги\nИздательства МП РПЦ\n\nТекст опубликован в книгах\n\nТекст еще не опубликован\n\nПОСЛЕДНИЕ ДОБАВЛЕНИЯ\n\n12 октября, 2026\nСлужба священномученику Сергию Мечеву, пресвитеру\n\n24 сентября, 2026\nАкафист преподобному Макарию архимандриту, миссионеру Алтайскому\n\n14 сентября, 2026\nАкафист святителю Зиновию исповеднику, митрополиту Тетрицкаройскому\n\n5 сентября, 2026\nСлужба преподобномученику Моисею (Кожину), Соловецкому\n\nВХОД НА САЙТ\n\nРегистрация\n\nЗабыли пароль?\n\nТексты\n\nДокументы\n\nГлавная\n\nО проекте\n\nОбратная связь\n\nЭлектронная почта: nbt@rop.ru тел: +7 (499) 703-0214\n\n© Религиозная организация Издательство Московской Патриархии Русской Православной Церкви 2026\n\n-