Православие.Ru Поместные Церкви Православный Календарь English Српска\n\nПравославный Церковный календарь 2026\n\nКалендарь\nМесяцеслов\n\nСегодня\n\nЗавтра\n\nПосты и праздники (н.с.)\n\nПосты и праздники (с.с.)\n\nБиблия\n\nМолитвы\n\nИконы\nПо именам святых\n\nОбщий список\n\nПраздники и посты\nв 2026 году.\nНовый стиль\nСтарый стиль\n\nКорнилий Комельский, прп.\n\nДень памяти: 19 мая\n\nИконы\n\nЖития\n\nПреподобный Корнилий Комельский\n\nМолитвы\n\nТропарь преподобного Корнилия, чудотворца Комельского\n\nглас 4\n\nОт юности горящим желанием Божественный любве разжигаемь, / житейския молвы оставил еси, преподобне, / ревнитель Антонию Великому быв, / безмолвием и жестоким пребыванием последуя Христу,/ бдением, и молитвами, и постом образ был еси твоим учеником./ Темже молися Господеви, Корнилие блаженне, / спастися душам нашим.\n\nИн тропарь преподобного Корнилия, чудотворца Комельского\n\nглас 8\n\nПостническими труды нетрудную жизнь стяжа, преподобне, / слезами же мысленнаго фараона потопил еси / и вместо скорби радость обрел еси, / предстоя Христови в лице святых,/ поминай молящихся чад твоих, Корнилие, отче наш.\n\nКондак преподобного Корнилия, чудотворца Комельского\n\nглас 8\n\nГосподеви, от Святыя Девы возсиявшу мирови, / и Тому измлада, яко Ангел, послужил еси, блаженне,/ и силою Его пустыню, яко град, сотворил еси, / множество же ученик в ней собрал еси, / ихже Богодохновенными ученьми просветил\n\nеси. / Тем вопием ти: / радуйся, отче наш Корнилие,\n\nиноком Божественное удобрение.\n\nМолитва преподобному Корнилию Комельскому\n\nО священная главо, земный Ангеле, Небесный человече, великий чудотворче, преподобне отче Корнилие! К тебе с верою и любовию усердно прибегающе, умиленно просим тя, Небеснаго предстателя нашего: яви нам, смиренным и грешным, любовь твою отеческую и многомощное твое заступление, се бо грех ради наших не дерзаем, с свободою чад Божиих, просити Господа и Владыку нашего о нужных нам на потребу, но тебе, молитвенника к Нему благоприятнаго, предлагаем, верующе несомненно, яко вся благая можеши нам испросити у благости Его, аще токмо восхощеши. Испроси убо нам, угодниче Божий, у Всещедраго и Человеколюбца Бога, веру праву, благочестие непоколебимое, покаяние совершенное, жития исправление решительное, да прочее не прогневляем Господа нарушением святых Его заповедей и сподобимся прощение грехов наших от Него получити. Умоли, чудотворче святый, Царя царствующих и Господа господствующих даровати мир и благостроение стране нашей, яко да познают вси противляющиися ей, яко с нами Бог и святии угодницы Его. Сохрани, святче Божий, молитвами твоими Церковь Христову от ересей и расколов, суеверия и неверия человеческаго, да цветет в ней святое Православие во всей силе и приносит плоды спасительныя душам. Соблюди от всякаго зла и обитель, тобою созданную, и вся живущия и подвизающиися в ней по твоим уставом, да целы и невредимы пребудут от искушений врага спасения человеческаго. Призри милостивно и на предстоящия тебе и молящияся люди, иже в обитель твою приходят на поклонение, и вся прошения их во благо исполни: болящим исцеление, скорбящим утешение, бедствующим вспоможение скоро подаждь. Всем же нам здравие душевное и телесное, земли плодоносие, тихое и богоугодное житие, благую христианскую кончину и добрый ответ на Страшнем Суде Христовом у Всемилостиваго Бога исходатайствуй, яко воистинну имеяй велие к Нему дерзновение. Ей, отче! вемы, яко много может молитва твоя пред лицем Вседержителя Господа, сего ради крепко на тя уповаем и на твоя святыя молитвы зело надеемся, яко ты приведеши нас предстательством твоим в небурное пристанище спасения и наследники покажеши нас всесветлаго Царствия Христова. Не посрами же, святче отче наш, упования нашего и сподоби нас вкупе с тобою блаженства райскаго наслаждатися, да славим, хвалим и величаем великую милость к нам Человеколюбца Бога, Отца, и Сына, и Святаго Духа, и твое благое отеческое заступление, во веки веков. Аминь.\n\nСлужба\n\n19 мая: Священномученика Патрикия Прусского и дружины его. Преподобного Корнилия Комельского\n\nСайты приходов:\n\nХрам Петра и Павла в Новинках г. Вологда (Вологодская епархия)\n\nХрам прп. Корнилия Комельского г. Грязовец (Вологодская епархия)\n\nСтатья на Православие.Ru\n\nРевнитель «жестокого жития» преподобный Корнилий Комельский\n\nМария Кузьмина\nВ многолетнем противостоянии своенравию братии преподобный являл стойкость, силу характера и непреклонную волю, игнорируя манипулятивные требования интриганов. © ПРАВОСЛАВИЕ.RU