Православие.Ru Поместные Церкви Православный Календарь English Српска\n\nПравославный Церковный календарь 2026\n\nКалендарь\nМесяцеслов\n\nСегодня\n\nЗавтра\n\nПосты и праздники (н.с.)\n\nПосты и праздники (с.с.)\n\nБиблия\n\nМолитвы\n\nИконы\nПо именам святых\n\nОбщий список\n\nПраздники и посты\nв 2026 году.\nНовый стиль\nСтарый стиль\n\nПаисий Угличский, игумен\n\nДни памяти: 8 января , 23 мая (Ростов.) , 6 июня\n\nИконы\n\nЖития\n\nПреподобный Паисий Угличский\n\nМолитвы\n\n6 июня\n\nМолитва преподобному Паисию, юже творяше братия Покровския обители\n\nО, преподобне отче наш Паисие! Не забуди убо нас, чад своих, Богом дарованную ти паству, юже ты сам собрал еси. Без твоей бо помощи ничтоже можем благо сотворити, но, в дому пребывающе Пречистыя Богородицы, во ограде твоей, надеемся Богу угодити. Отче святый, соблюди нас твоими молитвами и заступи нас от находящих зол, да, твоими молитвами соблюдаеми, Царствия Небеснаго сподобимся о Христе Иисусе, Господе нашем. Емуже слава со Отцем и Пресвятым, и Благим, и Животворящим Его Духом, ныне, и присно, и во веки веков. Аминь.\n\nТропарь преподобного Паисия Угличского\n\nглас 8\n\nХристовы ради любве отечество и род оставил еси,/ и, ангельскому житию поревновав,/ в пустыню вселился еси,/ в нейже многотрудное житие явил еси/ и чудес дарования от Бога приял еси,/ Паисие преподобне,/ моли Христа Бога спастися душам нашим.\n\nИн тропарь преподобного Паисия Угличского\n\nглас 8\n\nХристовы ради любве отечество и род оставил еси/ и, ангельскому житию поревновав,/ духовному отцу твоему преподобному Макарию, подражатель быв,/ града Углеча достигл еси,/ и близ того при водах в пустыню, Ангелом показанную, вселился еси,/ и обитель прекрасну Матери Божией воздвигл еси,/ и множество монахов собрал еси,/ имже и наставник ко спасению быв,/ и чудес дарования от Бога приял еси,/ Паисие преподобне,/ моли Христа Бога спастися душам нашим.\n\nИн тропарь преподобного Паисия Угличского\n\nглас 8\n\nСлез твоих теченьми пустыни безплодное возделал еси/ и, иже из глубины воздыханьми, во сто трудов уплодоносил еси,/ и был еси светильник вселенней, сияя чудесы, Паисие, отче наш,/ моли Христа Бога/ спастися душам нашим.\n\nКондак преподобного Паисия Угличского\n\nглас 2\n\nЧистотою душевною божественно вооружився/ и непрестанный молитвы, яко копие, имый,/ крепко ссекл еси бесовское ополчение,/ Паисие, отче наш,/ моли непрестанно о всех нас.\n\nИн кондак преподобного Паисия Угличского\n\nглас 8\n\nУкрашен добродетельми, преподобне Паисие Богодухновенне,/ Церкве Христовы красота был еси,/ подвиги бо иноческими украси ю, блаженне./ Темже молим тя:/ молися ко Господу свободити нас от всякия брани борителя, вопиющих ти:/ радуйся, отче преблаженне.\n\n© ПРАВОСЛАВИЕ.RU