Перейти к основному содержанию\n\nТексты\n\nДокументы\n\nГлавная\n\nО проекте\n\nОбратная связь\n\nТексты\n\nАкафисты\n\nСлужбы\n\nТропари, кондаки\n\nЧины\n\nТропарь, кондак и молитва праведному Петру, пресвитеру Владимирскому, исповеднику\n\nТекст утвержден Священным Синодом\nРусской Православной Церкви\n22 октября 2015 года\n(журнал № 81)\n\nРаспечатать с сайта\nСкачать в гражданском начертании с ударениями (docx)\nСкачать в церковнославянском начертании (pdf)\n\nМе́сяца а́вгуста в 30-й день\nПра́веднаго Петра́, пресви́тера Влади́мирскаго, испове́дника\n\nТропа́рь, глас 3:\n\nЗ емли́ Росси́йския украше́ние,/ испове́дниче о́тче Пе́тре,/ в пра́вей ве́ре и благоче́стии пожи́л еси́,/ ве́рныя в годи́ну гоне́ний утеша́я и и́стине науча́я,/ у́зы, поноше́ния и ско́рби претерпе́л еси́/ и вене́ц пра́вды от Христа́ Бо́га прия́л еси́./ Сего́ ра́ди мо́лим тя:/ спаса́й нас моли́твами твои́ми/ от всех бед и напа́стей.\n\nКонда́к, глас 4:\n\nП ервоверхо́вному апо́столу па́стыря соиме́ннаго,/ уте́шителя скорбя́щих и цели́теля немощны́х,/ хвалу́ и утеше́ние на́ше днесь любо́вию восхва́лим, ве́рнии./ Сей бо есть цели́тель до́блий/ и моли́твенник те́плый о душа́х на́ших.\n\nМоли́тва\n\nО, пресви́тере и служи́телю Бо́жий, о́тче святы́й Пе́тре, избра́нниче и па́стырю Христо́в! Ты измла́да Бо́га и́скренне возлюби́л еси́, ду́шу хра́мом Свята́го Ду́ха соде́лал еси́ и всего́ себе́, я́ко же́ртву чи́сту, Спа́су Христу́ прине́сл еси́ до после́дняго твоего́ исхо́да.\n\nЕй, пра́ведниче Пе́тре, от дре́вних святы́нь Пече́рския Ла́вры, я́ко от полново́дныя реки́, позна́нию и́стины науче́нный! Ты, тя́жкий и терни́стый путь спасе́ния ра́ди души́ твоея́ от Бо́га восприе́м, Христа́ пред ми́ром лука́вым, от него́же поноше́ния жесто́кая претерпева́я, да́же до сме́рти испове́дал еси́ и, я́ко па́стырь ди́вный, да́ры Бо́жия показу́я, в земли́ Влади́мирстей на ра́дость и утеше́ние лю́дем стра́ждущим яви́лся еси́. Отвсю́ду бо в весь Великодво́рскую за по́мощию и утеше́нием к тебе́ боля́щии и неду́жнии прихожда́ху и врачевство́ ве́лие от тебе́ приима́ху. Те́мже и мы, недосто́йнии и гре́шнии ча́да твоя́, дивя́щеся твоему́ пред Бо́гом дерзнове́нию, взыва́ем к тебе́ си́це: испроси́ благостоя́ние Це́ркви Ру́сстей, в мо́ри жите́йстем обурева́емей, Оте́честву на́шему мир и обновле́ние духо́вное; нам же утвержде́ние и преспе́яние в ве́ре, христиа́нскую кончи́ну и Бо́жие милосе́рдие на Стра́шном Суде́ Христо́ве, иде́же пра́ведницы возсия́ют, я́ко со́лнце, с ни́миже да сподо́бимся и мы прославля́ти в Тро́ице пева́емаго Бо́га, Отца́, и Сы́на, и Свята́го Ду́ха. А ми́нь.\n\nЦерковный календарь\n\nсегодня\n\n6 ноября\n\n24 октября по старому стилю\n\nМосковская Патриархия\n\nИздательство\nМосковской Патриархии\nРусской Православной\nЦеркви\n\nНовые богослужебные книги\nИздательства МП РПЦ\n\nТекст опубликован в книгах\n\nМинея дополнительная: в 2-х ч. Часть 2: Март-август\n\nМинея дополнительная: в 2-х ч. Часть 2: Март-август. –М.: Издательство Московской Патриархии Русской Православной Церкви, 2018.\n\nС. 501.\n\nПОСЛЕДНИЕ ДОБАВЛЕНИЯ\n\n4 ноября, 2026\nСлужба священномученику Уару, епископу Липецкому\n\n12 октября, 2026\nСлужба священномученику Сергию Мечеву, пресвитеру\n\n24 сентября, 2026\nАкафист преподобному Макарию архимандриту, миссионеру Алтайскому\n\n14 сентября, 2026\nАкафист святителю Зиновию исповеднику, митрополиту Тетрицкаройскому\n\nВХОД НА САЙТ\n\nРегистрация\n\nЗабыли пароль?\n\nТексты\n\nДокументы\n\nГлавная\n\nО проекте\n\nОбратная связь\n\nЭлектронная почта: nbt@rop.ru тел: +7 (499) 703-0214\n\n© Религиозная организация Издательство Московской Патриархии Русской Православной Церкви 2026\n\n-