Православие.Ru Поместные Церкви Православный Календарь English Српска\n\nПравославный Церковный календарь 2026\n\nКалендарь\nМесяцеслов\n\nСегодня\n\nЗавтра\n\nПосты и праздники (н.с.)\n\nПосты и праздники (с.с.)\n\nБиблия\n\nМолитвы\n\nИконы\nПо именам святых\n\nОбщий список\n\nПраздники и посты\nв 2026 году.\nНовый стиль\nСтарый стиль\n\nСвятитель Савва, первый архиепископ Сербский\n\nДни памяти: 12 января , 14 января (Афон) , 6 мая (перенесение мощей) , 30 августа (Серб.)\n\nИконы\n\n1000 x 2145 1200 x 938 2373 x 1854 892 x 1200 1535 x 2065 908 x 1065\n\nЖития\n\nСвятитель Савва, первый архиепископ Сербский\n\nСвятитель Савва, просветитель и первый архиепископ Сербский\n\nМолитвы\n\nТропарь святителю Савве, первому архиепископу Сербскому\n\nглас 3\n\nПути, вводящаго в жизнь,/ наставник, и первопрестольник, и учитель был еси:/ первее бо пришед, святителю Савво,/ отечество твое просветил есй/ и, породив тое Духом Святым,/ яко древа маслинная,/ в мысленнем рай насадил есй всеосвященная твоя чада./ Тем, яко апостолом и святителем сопрестольна/ чтуще тя, молим:/ моли Христа Бога/ даровати нам велию милость.\n\nИна служба святителя Саввы Сербскаго. Тропарь\n\nглас 8\n\nПравославия наставниче,/ благочестия учителю и чистоты,/ вселенныя светильниче,/ архиереов Богодухновенное удобрение,/ Савво премудре,/ ученьми твоими вся просветил еси,/ цевнице духовная,/ моли Христа Бога спастися душам нашим.\n\nТропарь общий преподобных Симеона Мироточиваго и сына его, святителя Саввы Перваго, архиепископа Сербскаго\n\nглас 1\n\nОбители Хиландарския священных строителей / и Афона светильники, Сербии похвалу, / Симеона величайшаго, преподобных лепоту, / и род его чудный, святителя, - глаголю,- Савву,/ приидите согласно почтим, глаголя: / молите Христа Бога / о пастве вашей, блаженнии,/ и о еже Церкви свободней быти от обстояний.\n\nТропарь общий преподобных Симеона Мироточиваго и сына его, святителя Саввы Перваго, архиепископа Сербскаго\n\nглас 1\n\nИже теплыя заступники в скорбех и напастех имуще, / Симеона Богоноснаго и Савву первосвятителя,/ припадем к нима с верою,/ яко да молитвами их от напастей избавляеми,/ по долгу благоверно Спаса и Бога прославим, глаголюще: / слава Давшему вам крепость,/ слава Прославльшему вы чудесы,/ слава Избавлыпему нас от скорбей молитвами вашими.\n\nТропарь в честь перенесения мощей преподобного Саввы Сербского\n\nглас 3\n\nПути, вводящего в жизнь,/ наставник, и первопрестольник, и учитель был еси:/ первее бо пришед, святителю Савво,/ отечество твое просветил еси/ и, породив тое Духом Святым,/ яко древа маслинная,/ в мысленнем раи насадил еси всеосвященная твоя чада./ Тем, яко апостолом и святителем сопрестольна/ чтуще тя, молим:/ моли Христа Бога/ даровати нам велию милость.\n\nКондак святителю Савве\n\nглас 8\n\nЯко первосвятителя великаго и апостолов сообщника,/ Церковь прославляет тя людей твоих, преподобне,/ но яко имея дерзновение ко Христу Богу,/ молитвами твоими от всяких нас бед спасай, да зовем ти:/ радуйся, отче Савво Богомудре.\n\nИна служба святителя Саввы Сербскаго. Кондак\n\nглас 2\n\nСтруями слез твоих, Богоносне Савво,/ церковь телесную очистив,/ слуга бысть Святыя Троицы,/ сохраняй отечество свое непобедимо,/ тому бо ты еси утверждение.\n\nКондак общий преподобных Симеона Мироточиваго и сына его, святителя Саввы Перваго, архиепископа Сербскаго\n\nГорнюю жизнь возлюбивше, славнии,/ жизнь сущую на земли презресте./ Сего ради в вышних со Ангелы всегда ликующе,/ молите о всех нас.\n\nКондак в честь перенесения мощей преподобного Саввы Сербского\n\nглас 6\n\nЗаступниче скорбящим,/ в напастех помощниче,/ ко Владыце молебниче,/ не презри нас, смиренных, обремененных грехи,/ но предвари и исхити от мук вечных с верою молящихтися,/ ускори на заступление и потщися на помощь,/ заступи, святителю Христов Савво, поющия тя.\n\nИна служба святителя Саввы Сербскаго. Ин кондак\n\nглас 2\n\nИзбраннаго от пелен Христовою благодатию/ и возлюбленнаго от юности Божиим Духом,/ юностный цвет, Савву блаженнаго,/ похвальный венцы, вернии, днесь сплетше/ и Божественную главу его венчающе, воззовем:/ радуйся, отче, Божие жилище.\n\nИн кондак общий преподобных Симеона Мироточиваго и сына его, святителя Саввы Перваго, архиепископа Сербскаго\n\nДнесь Симеон с Саввою, блаженнии, в дусе пришедше,/ спасают от обстояний паству их:/ сии бо Троицу проповедаша Единаго Бога,/ Церкве явишася утверждение,/ в преподобных Мироточивый и во святых чудотворец:/ сии бо и во бранех необоримии защитницы ноказашася,/ Афона похвала и народа Сербскаго крепость.\n\nМолитва святителю Савве Сербскому\n\nО священная главо, преславный чудотворче, святителю Христов Савво, Сербския земли первопрестольниче, хранителю и просветителю, всех же христиан благонадежный пред Господем предстателю, тебе припадаем и молимся: даждь нам быти причастником любве твоей к Богу и ближнему, еюже при жизни святая душа твоя преисполнена бысть. Озари нас истиною, просвети ум и сердце наше светом Божественнаго учения, научи нас тебе подражати верно, Бога и ближняго нашего любити и заповеди Господни совершати непогрешительно, да будем и мы чада твой не по имени токмо, но всем житием нашим. Молися, святый архиерею, о Святей Православней Церкви и отечестве твоем земном, присно тя любовию чтущем. Призри благоутробно на всяку душу верных твоих чтителей, милости и помощи твоея ищущих, буди всем нам в болезнех целитель, в скорбех утешитель, в печалех посетитель, в бедах и нуждах помощник, в час же смертный милостивый покровитель и защититель, да, при помощи молитв твоих святых, сподобимся и мы, грешнии, спасение верное получити и Царствие Христово унаследовати. Ей, святче Божий, не посрами упования нашего, еже на тя крепко возлагаем, но яви нам твое многомощное заступление, да славим и поем дивнаго во святых Своих Бога, Отца и Сына и Святаго Духа, всегда, ныне и присно и во веки веков. Аминь.\n\nСлужба\n\n12 января: Святой мученицы Татианы. Cвятителя Саввы, первого архиепископа и учителя Сербского\n\nСайты приходов:\n\nБольничный храм свт. Саввы Сербского г. Киев (Киевская епархия)\n\nХрам святого Саввы г. Белград (Белградско-Карловацкая)\n\nХрам Саввы Сербского г. Будва Епархия не указана\n\nМонастырь Студеница с. Брезова (Жичская епархия)\n\nХрам Свт. Саввы Сербского г. Тиват (Белградо-Карловацкая архиепископия)\n\nМонастырь Градиште пос. Булярицы (Черногорско-Приморская епархия)\n\nХрам Саввы Сербского г. Екатеринбург (Екатеринбургская епархия)\n\nСтатья на Православие.Ru\n\nСвятой Савва Сербский как ктитор Хиландарского монастыря\n\nСвященник Миладин Митрович\nКак видно из Хиландарского устава, святой Савва очень ревностно отстаивал самобытность своей лавры. По императорскому хрисовулу, Хиландар получил статус самоуправляемого монастыря, а святые Симеон и Савва закрепили свое юридическое право на монастырь. В знак согласия император вручил преподобному Савве игуменский жезл, на котором по-славянски была вырезана надпись: «Сей жезл даровал царь Алексей Комнин святому Сербскому Савве в знак царской власти поставлять игумена самовластно». © ПРАВОСЛАВИЕ.RU