Перейти к основному содержанию\n\nТексты\n\nДокументы\n\nГлавная\n\nО проекте\n\nОбратная связь\n\nТексты\n\nАкафисты\n\nСлужбы\n\nТропари, кондаки\n\nЧины\n\nТропари, кондак и молитва священномученику Николаю Беневоленскому\n\nТекст утвержден Священным Синодом\nРусской Православной Церкви\n24 октября 2024 года\n(журнал № 118)\n\nРаспечатать с сайта\nСкачать в гражданском начертании с ударениями (docx)\nСкачать в церковнославянском начертании (pdf)\n\nМе́сяца ма́я в 3-й день\nСвященному́ченика Никола́я Беневоле́нскаго, пресви́тера\n\nТропа́рь, глас 2:\n\nБ лагода́тию свяще́нства украси́вся,/ до́брый па́стырь ве́рным лю́дем яви́лся еси́,/ и Христу́ да́же до сме́рти после́довав,/ вене́ц жи́зни от Него́ прия́л еси́./ Те́мже ны́не помина́й нас, священному́чениче Нико́лае,// и моли́ся о спасе́нии душ на́ших.\n\nИн тропа́рь, глас 4:\n\nЯ́ ко чадолюби́вый оте́ц и учи́тель благоче́стия,/ па́ству твою́ до́бре упа́сл еси́,/ милосе́рдием же и кро́тостию нра́ва украше́н,/ о́браз ве́ры во страда́ниих за Христа́ показа́л еси́./ Те́мже ны́не в Небе́сных черто́зех пребыва́я,/ помина́й нас, чту́щих святу́ю па́мять твою́,// священному́чениче Нико́лае досточу́дне.\n\nКонда́к, глас 6:\n\nС ро́дник и учени́к преподо́бнаго Алекси́я яви́лся еси́,/ священному́чениче Нико́лае всехва́льне,/ и я́ко до́блий во́ин Христо́в,/ ку́плю жите́йскую отри́нув,/ всего́ себе́ служе́нию Це́ркви Бо́жией посвяти́л еси́/ и в черто́г Небе́сный вше́л еси́, глаго́ля:/ под кро́вом Го́спода моего́// обря́щу поко́й и заступле́ние.\n\nМоли́тва\n\nО па́стырю до́брый и ве́рный служи́телю Христо́в, священному́чениче Нико́лае! Ты, ро́да пра́веднаго о́трасль быв, от ю́ности еди́ному Христу́ служи́ти возжеле́л еси́ и свяще́нства дар, я́ко не́кое Небе́сное сокро́вище, от Него́ прия́л еси́. Те́мже, не о себе́ помышля́я, но о па́стве твое́й пеки́йся, стра́ждущия всем потре́бным снабдева́л еси́. Во дни же гоне́ния лю́таго, зе́млю Ру́сскую пости́гшаго, ре́вность твоя́ я́же по Бо́зе ника́коже ослабе́, но па́че умно́жися, и ле́пота души́ твоея́ всем откры́ся. Ты гони́телей, кро́ва тя лиши́вших и зло́бою ды́шущих, не убоя́лся еси́ и во град преподо́бнаго Се́ргия кро́тко пресели́лся еси́, иде́же, я́ко до́брый па́стырь о лю́дех помышля́я и ре́вности проро́ка Бо́жия Илии́ подража́я, дерзнове́нно и немо́лчно о́вцы Христо́вы благонра́вному житию́ поуча́л еси́. Осужде́н же быв от богобо́рцев на изгна́ние и го́рькия рабо́ты, я́ко ве́рный раб Пастыренача́льника Христа́, во у́зах смерть неви́нную за Него́ прия́л еси́. И ны́не, свя́те Нико́лае, предстоя́ Престо́лу Святы́я Тро́ицы, исхода́тайствуй Оте́честву на́шему мир и благоде́нствие. Испроси́ у Го́спода па́стырем ре́вность апо́стольскую, служе́ние неле́ностное и о па́стве попече́ние изря́дное. Моли́ся, о́тче блаже́нне, и нам бога́тыя ми́лости от Го́спода улучи́ти, ве́ру правосла́вную до́бре храни́ти, наде́жду на Бо́га еди́наго возлага́ти и любо́вь ева́нгельскую в сердца́х на́ших возгрева́ти. Да богоуго́дне на земли́ пожи́вше, сподо́бимся и на Небесе́х при́сно сла́вити Отца́, и Сы́на, и Свята́го Ду́ха, Тро́ицу Единосу́щную и Неразде́льную, во ве́ки веко́в. А ми́нь.\n\nЦерковный календарь\n\nсегодня\n\n3 ноября\n\n21 октября по старому стилю\n\nМосковская Патриархия\n\nИздательство\nМосковской Патриархии\nРусской Православной\nЦеркви\n\nНовые богослужебные книги\nИздательства МП РПЦ\n\nТекст опубликован в книгах\n\nТекст еще не опубликован\n\nПОСЛЕДНИЕ ДОБАВЛЕНИЯ\n\n12 октября, 2026\nСлужба священномученику Сергию Мечеву, пресвитеру\n\n24 сентября, 2026\nАкафист преподобному Макарию архимандриту, миссионеру Алтайскому\n\n14 сентября, 2026\nАкафист святителю Зиновию исповеднику, митрополиту Тетрицкаройскому\n\n5 сентября, 2026\nСлужба преподобномученику Моисею (Кожину), Соловецкому\n\nВХОД НА САЙТ\n\nРегистрация\n\nЗабыли пароль?\n\nТексты\n\nДокументы\n\nГлавная\n\nО проекте\n\nОбратная связь\n\nЭлектронная почта: nbt@rop.ru тел: +7 (499) 703-0214\n\n© Религиозная организация Издательство Московской Патриархии Русской Православной Церкви 2026\n\n-