Перейти к основному содержанию\n\nТексты\n\nДокументы\n\nГлавная\n\nО проекте\n\nОбратная связь\n\nТексты\n\nАкафисты\n\nСлужбы\n\nТропари, кондаки\n\nЧины\n\nТропарь, кондак и молитва священномученику Василию Сокольскому\n\nТекст утвержден Священным Синодом\nРусской Православной Церкви\n30 октября 2025 года\n(журнал № 103)\n\nРаспечатать с сайта\nСкачать в гражданском начертании с ударениями (docx)\nСкачать в церковнославянском начертании (pdf)\n\nМе́сяца а́вгуста в 28-й день\nСвята́го священному́ченика Васи́лия Соко́льскаго,\nпресви́тера Петрогра́дскаго\n\nТропа́рь, глас 4:\n\nГ ра́да свята́го Петра́ па́стыря до́браго,/ Правосла́вныя Це́ркве побо́рника, и лжеучи́телей нечести́вых обличи́теля,/ ве́рность Христу́ да́же до кро́ве сохра́ньшаго,/ восхва́лим, ве́рнии, священному́ченика Васи́лия/ и к нему́ усе́рдно с любо́вию возопии́м:/ сохраня́й нас моли́твами твои́ми от вся́каго зла,// страда́льче преди́вне.\n\nКонда́к, глас то́йже:\n\nС трада́льческим путе́м поте́к,/ священному́чениче Васи́лие достохва́льне,/ лжепа́стыри льсти́выя обличи́л еси́/ и мучи́тели безбо́жныя посрами́л еси́./ Пра́вду же Христо́ву страда́нием уве́рив,/ в Небе́сных черто́зех ны́не водворя́ешися,// и мо́лишися о душа́х на́ших.\n\nМоли́тва\n\nО святы́й сла́вный священному́чениче Васи́лие! Ты, измла́да во благоче́стии воспита́нный, свяще́нства дар досто́йно восприя́л еси́ и попече́ние о па́стве, вве́ренней тебе́, име́я, в вертогра́де духо́внем труды́ изря́дныя поне́сл еси́. Егда́ же гоне́ние наста́ на Це́рковь Ру́сскую, ты, свя́тче Бо́жий, мучи́телева преще́ния не убоя́лся еси́ и во гра́де свята́го Петра́ усе́рдный сорабо́тник священному́ченику Вениами́ну был еси́, льсти́выя обы́чаи, лжепа́стырьми вводи́мыя, обличи́л еси́ и па́ству в пра́вей ве́ре утверди́л еси́. Страда́ния в темни́цах и изгна́ниих кро́тко претерпе́вая, му́ченический вене́ц от Христа́ прия́л еси́. Ны́не же во Ца́рствии Небе́снем со А́нгелы и все́ми святы́ми ликовству́еши. Сего́ ра́ди мы, недосто́йная ча́да твоя́, пред святы́м о́бразом твои́м предстоя́ще, умиле́нно взыва́ем ти: испроси́ у Го́спода па́стырем ре́вность о спасе́нии пасо́мых, непра́ведно гони́мым заступле́ние, си́рым защище́ние, скорбя́щим утеше́ние, боля́щим здра́вие, ю́ным наставле́ние, ста́рым укрепле́ние, нам же всем му́жества дарова́ние, во е́же в ве́ре правосла́вней тве́рдо стоя́ти и за́поведи Бо́жия благоче́стно исполня́ти. Ей, уго́дниче Бо́жий! Умоли́ Всеблага́го Бо́га предста́тельством твои́м дарова́ти Це́ркви Святе́й любо́вь и едине́ние, держа́ве же на́шей мир и благоде́нствие, да непреста́нно прославля́ем неизрече́нное человеколю́бие Отца́, и Сы́на, и Свята́го Ду́ха, во ве́ки веко́в. А ми́нь.\n\nЦерковный календарь\n\nсегодня\n\n3 ноября\n\n21 октября по старому стилю\n\nМосковская Патриархия\n\nИздательство\nМосковской Патриархии\nРусской Православной\nЦеркви\n\nНовые богослужебные книги\nИздательства МП РПЦ\n\nТекст опубликован в книгах\n\nТекст еще не опубликован\n\nПОСЛЕДНИЕ ДОБАВЛЕНИЯ\n\n12 октября, 2026\nСлужба священномученику Сергию Мечеву, пресвитеру\n\n24 сентября, 2026\nАкафист преподобному Макарию архимандриту, миссионеру Алтайскому\n\n14 сентября, 2026\nАкафист святителю Зиновию исповеднику, митрополиту Тетрицкаройскому\n\n5 сентября, 2026\nСлужба преподобномученику Моисею (Кожину), Соловецкому\n\nВХОД НА САЙТ\n\nРегистрация\n\nЗабыли пароль?\n\nТексты\n\nДокументы\n\nГлавная\n\nО проекте\n\nОбратная связь\n\nЭлектронная почта: nbt@rop.ru тел: +7 (499) 703-0214\n\n© Религиозная организация Издательство Московской Патриархии Русской Православной Церкви 2026\n\n-