Главная Новости Последование молебнаго пения святому страстотерпцу царевичу Алексию о страждущих гемофилией\n\n17.05.2023 | Церковь и мир\n\nПоследование молебнаго пения святому страстотерпцу царевичу Алексию о страждущих гемофилией\n\nИерей: Благословен Бог наш всегда, ныне и присно, и во веки веков.\n\nЛик: Аминь. Царю Небесный:\n\nТаже чтец: Трисвятое. Пресвятая Троице: Отче наш:\n\nВозглас: Яко Твое есть Царство, и сила и слава, Отца, и Сына, и Святаго Духа, ныне и присно, и во веки веков.\n\nЧтец: Аминь. Господи, помилуй, 12.\n\nСлава, и ныне:\n\nПриидите, поклонимся Цареви нашему Богу.\n\nПриидите, поклонимся и припадем Христу, Цареви нашему Богу.\n\nПриидите, поклонимся и припадем Самому Христу, Цареви и Богу нашему.\n\nПсалом 142:\n\nГосподи, услыши молитву мою, внуши моление мое во истине Твоей:\n\nСлава, и ныне: Аллилуия, трижды.\n\nЕктения великая: Миром Господу помолимся:\n\n…\n\nО плавающих, путешествующих, недугующих, страждущих, плененных, и о спасении их Господу помолимся.\n\nО рабех Божиих (имярек), недугом неисцельным страждущих, и о еже простити им всякое прегрешение, вольное и невольное, и милостиву быти им, Господу помолимся.\n\nО еже стяжати им и сродником их плод веры, чистым сердцем в терпении приносимый, и упование непостыдное, Господу помолимся.\n\nО еже посетити я посещением Святаго Своего Духа, и ослабити болезнь неисцельную, в них гнездящуюся, славы ради имене Своего, Господу помолимся.\n\nЗаступи, спаси, помилуй и сохрани нас, Боже, Твоею благодатию.\n\n…\n\nВозглас: Яко подобает Тебе всякая слава:\n\nГлас 7.\n\nБог Господь, и явися нам, благословен Грядый во имя Господе.\n\nСтих1: Исповедайтеся Господеви, яко Благ, яко в век милость Его.\n\nСтих 2: Обышедше обыдоша мя, и именем Господним противляхся им.\n\nСтих 3: Не умру, но жив буду, и повем дела Господня.\n\nСтиx 4: Камень, егожа небрегоша зиждущии, сей бысть во главу угла: от Господа бысть сей, и есть дивен во очесех наших.\n\nТаже тропарь, глас 7, дважды:\n\nСтрастотерпче святый, царевиче Алексие, / ты терпением страданий издетска / послушанию воли Божией и терпению навыкл еси, / темже и в болезни неисцельной сущим / ослабу молитвами твоими подаждь, / велие бо дерзновение / стяжал еси ко Господу.\n\nСлава и ныне: Богородичен, глас 6.\n\nНе имамы иныя помощи:\n\nПосем припевы:\n\nД. Святый страстотерпче царевиче Алексие, моли Бога о нас\n\nХор. Святый страстотерпче царевиче Алексие, моли Бога о нас (дважды)\n\nСлава Отцу, и Сыну, и Святому Духу\n\nИ ныне, и присно, и во веки веков, аминь.\n\nПо 3-й песни припев:\n\nСвятому: Моли Бога о нас, святый страстотерпче царевиче Алексие,/ яко мы усердно/ к тебе прибегаем,/ скорому помощнику и молитвеннику о душах наших.\n\nПо 6-й песни: припев, якоже и по 3-й песни.\n\nТаже малая ектения с возгласом: Ты бо еси Царь мира, и Спас душ наших, и Тебе славу возсылаем, Отцу, и Сыну, и Святому Духу, ныне и присно, и во веки веков.\n\nЛик: Аминь.\n\nТаже поет акафист царевичу Алексию.\n\nТаже: Достойно есть: Трисвятое, по Отче наш: и тропари: Помилуй нас, Господи, помилуй нас:\n\nПо тропарех, ектениа:\n\nПомилуй нас, Боже, по велицей милости Твоей, молим Ти ся, услыши и помилуй.\n\nЛик: Господи, помилуй (трижды).\n\nЕще молимся о Великом Господине и отце нашем Святейшем Патриархе Кирилле и о господине нашем высокопреосвященнейшем митрополите (или архиепископе или преосвященнейшем епископе) имярек, и о всей во Христе братии нашей.\n\nЕще молимся о богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.\n\nЕще молимся, о еже страждущим от недуга неисцельнаго ток крове затворити и благомощие подати, рцем вси, Господи, услыши и милостивно помилуй.\n\nЕще молимся, о еже в немощи терпение, в скорби утешение, в недузе телесном здравие духовное сим даровати, рцем вси, Господи, услыши и милостивно помилуй.\n\nЕще молимся, о еже врачем мудрость, страждущим от недугов и сродником их веру жены хананеины низпослати, рцем вси, Господи, услыши и милостивно помилуй.\n\nЕще молимся о милости, жизни, мире, здравии, спасении, посещении, прощении и оставлении грехов рабов Божиих (имярек).\n\nЕще молимся за всю братию, и за вся христианы.\n\nВозглас: Яко милостив и Человеколюбец Бог еси, и Тебе славу возсылаем, Отцу, и Сыну, и Святому Духу, ныне, и присно, и во веки веков.\n\nЛик: Аминь.\n\nПо ектении молитва.\n\nО святый страстотерпче, царевиче Алексие! Ты по молитвам преподобнаго Серафима от венценосных супругов рожден был еси, да славу царства земнаго восприимеши, обаче многоболезненно и кратко житие твое бысть и кончина скорбна. Сего ради убо к славе Царства Небеснаго непреткновенно возшел еси и ныне со всеми святыми во свете невечернем и радости нетленней пребываеши, но и в юдоли земной сущим соболезнуеши, наипаче же от недуга неисцельнаго, яко и ты иногда, страждущим. Темже молим тя: яко веси страдание земное, страждущия молитвами твоими в терпении укрепи; яко зриши славу Небесную, унывающия светом ея озари; яко Христу верен даже до смерти пребыл еси, сподоби и нас крест свой во смирении понести. Да прославим купно с тобою и лики Небесными пречестное и великолепое имя Отца, и Сына, и Святаго Духа.\n\nЛик: Аминь.\n\nТакже величание.\n\nИерей: Премудрость: Пресвятая Богородице, спаси нас.\n\nЛик: Честнейшую херувим:\n\nИерей: Слава Тебе, Христе Боже, Упование наше, слава Тебе.\n\nЛик: Слава, и ныне: Господи, помилуй, (трижды). Благослови.\n\nИерей отпуст:\n\nХристос истинный Бог наш, молитвами Пречистыя Своея Матере, преподобных и богоносных отец наших, святаго страстотерпца царевича Алексия и всех святых, помилует и спасет нас, яко Благ и Человеколюбец.\n\nЛик: Аминь.\n\nПоделиться:\n\nЧитайте также\n\nЦерковь и мир\n\n08.11.2026\n\nВ Димитриевскую родительскую субботу в Кашине помолились у захоронений местночтимых подвижников благочестия\n\nЦерковь и мир\n\n08.11.2026\n\nСвященник Евгений Антонов провел экскурсию по персональной выставке «Мастер и время» для прихожан тверских храмов